roya hooñ to apne doston men par tujh se to hañs ke hi mila hooñ

ek hi nadi ke hain ye do kinaare dosto dostana zindagi se maut se yaari rakho

jab bhi aata hai december gam ke taanke khulte hain yaad hai yuñ teraa jaana aur kehna KHush raho

kabhi ye dekhna kitnii vo ab dilshaad rahtii hai jo tanhaaii hamaare saath tere baad rahtii hai hamaara janmdin kaise tu yaara bhool jaata hai ha men to dosto ki cigarette tak yaad rahtii hai

tere qareeb aa ke badi uljhnon men hooñ main dushmanon men hooñ ki tere doston men hooñ

jaane kis haal men ham hain ki ha men dekh ke log ek pal ke li.e rukte hain guzar jaate hain

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

ham dohri aziyyat ke giriftaar. musafir paanv bhi hain shal shauq-e-safar bhi nahin jaata

do ghadi us se raho door to yuñ lagta hai jis tarah saaya-e-deewar se deewaar juda