gulaab KHvaab davaa zahar jaam kya kya hai main aa gaya hooñ bataa intizaam kya kya hai

muddaton baad ik shaKHs se milne ke li.e aaina dekha gaya baal sanwaare ga.e

main choomta hooñ to vo haath kheench leta hai use pata hai ye seedhi kahaan pe jaani hai

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ik hunar hai jo kar gaya hooñ main sab ke dil se utar gaya hooñ main

main KHud udaas khada tha kate darakht ke paas parinda ud ke mere haath par utar aaya

teri taa'riif karne lag gaya hooñ mohabbat ne diyaanat cheen li hai

itne zalim na bano kuchh to muravvat seekho tum pe marte hain to kya maar hi daaloge ha men

eed ka chaand tum ne dekh liya chaand ki eed ho gaii hogii