koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

use kisi se mohabbat thii aur vo main nahin tha ye baat mujhse zyaada use rulaati thii

maana ki teri deed ke qaabil nahin hooñ main tu miraa shauq dekh miraa intizaar dekh

kaun sa jurm KHuda jaane hua hai saabit mashware karta hai munsif jo gunahgaar ke saath

ek bacchi se khareede the ye gajre hamne lautkar ham kisi mujre se nahin aa.e hain

koii bhi aa ke hansa de hañsi se matlab hai ha men charaagh nahin raushni se matlab hai

umr bhar jis ke li.e pet se baandhe patthar ab vo gin gin ke khilaata hai nivaale mujh ko

ham ko udne ke tariqe na sikhaao ham log ped se aa.e hain pinjare se nahin aa.e hain