sau sau umeedein bandhti hai ik ik nigaah par mujh ko na aise pyaar se dekha kare koi

aaj dekha hai tujh ko der ke ba'd aaj ka din guzar na jaa.e kahii

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

dil ke darwaaze bhed kar dekho zakham saare udhed kar dekho band kamre men aaiine se kabhi tum meraa zikr chhed kar dekho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

KHamoshii se musibat aur bhi sangeen hoti hai tadap ai dil tadapne se zaraa taskeen hoti hai

dhundooge agar mulkon mulkon milne ke nahin naayaab hain ham jo yaad na aa.e bhool ke phir ai hum-nafso vo KHvaab hain ham

tamannaon men uljhaaya gaya hooñ khilaune de ke bahlāya gaya hooñ dil-e-muztar se pooch ai raunaq-e-bazm main KHud aaya nahin laaya gaya hooñ