koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

nahin lagega use dekh kar magar KHush hai main KHush nahin hooñ magar dekh kar lagega nahin

hui muddat ki ghalib mar gaya par yaad aata hai vo har ik baat par kehna ki yuñ hota to kya hota

kuchh nahin hai zindagi barbaad hai ab to mar gaya hooñ main muhabbat ko manaane men kaise bhi gar ho sake mujh...ko rihaa kar de rah nahin saktaa main ab is qaidkhaane men

tumhein jab waqt mil jaa.e chale aanaa kabhi milne ubhar aayi hain kuchh baatein vahii sab baat karne hain tiri aankhoñ men rahkar phir naye kuchh din ugaane hain tiri agar tale vo kuchh puraani raat karne hain

kaam se nikle to phir ye log sab ghar jaayenge ghar na ja paa.e to phir ye raah men mar jaayenge kuchh bhi kar jaane ko aatur ishq men jo hain agar kuchh na kar paa.e to phir ye kuchh na kuchh kar jaayenge

ab to hone se raha jazbaat pe qaabu ek bulbul ne kaha hai baaz ko baabu ghar se nikle hain magar raahen nahin dekheen pattharon men dhoondhte firte hain jo aaboo

isi KHaatir tujhe milta nahin main aajkal akshar mujhe maaloom hai ye man tira bhar jaayega mujhse