koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

kis li.e dekhti ho aaina tum to KHud se bhi khoobsurat ho

ab main saare jahaan men hooñ badnaam ab bhi tum mujh...ko jaanti ho kya

yahii zindagi museebat yahii zindagi masarrat yahii zindagi haqeeqat yahii zindagi fasana kabhi main hooñ tujhse naalaan kabhi mujhse tu pareshaan kabhi main tira hadf hooñ kabhi tu mira nishaana

humeen hain soz humeen saaz hain humeen naghma zaraa sambhal ke sar-e-bazm chhedna ham ko

kabhi dard kii tamannaa kabhi koshish-e-mudaawa kabhi bijliyon kii KHvaahish kabhi fikr-e-aashiyana