koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

zubaan par aa gaii har baat jo man men dabaai thii mere is dil ki khaamoshi ne mujh...ko tod daala hai

yaad har roz tumhein dil men karta hooñ main dekh tasveer teri dil men bharta hooñ main

teri raahon men hi main hoon bhatka par thikaana bhi tu hi meraa hai

teri nazaron men dil lagii hogii meri nazaron men ishq teraa hai

log milte hain magar dil nahin mil paate hain har mulaqaat men kuchh faasla bhar hota hai