kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ghar men bhi dil nahin lag raha kaam par bhi nahin ja raha jaane kya KHauf hai jo tujhe choom kar bhi nahin ja raha raat ke teen bajne ko hai yaar ye kaisa mahboob hai jo gale bhi nahin lag raha aur ghar bhi nahin ja raha

badh ke toofaan ko aaghosh men le le apni doobne waale tire haath se saahil to gaya

phir aaj adam shaam se gamgeen hai tabeeyat phir aaj sar-e-shaam main kuchh soch raha hooñ

kahte hain umr-e-rafta kabhi lauTtii nahin ja may-kade se meri jawaani utha ke la

dil abhii poori tarah toota nahin doston ki meherbaani chahiye

ai gham-e-zindagi na ho naaraz mujh ko aadat hai muskuraane ki