chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

kuchh baat hai ki hasti mitati nahin hamaari sadiyon raha hai dushman daur e zamaan hamaara

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

ik khwaab ne aañkhen kholi hain kya mod aaya hai kahaanii men vo bheeg rahi hai baarish men aur aag lagii hai paani men

dil par dastak dene kaun aa niklaa hai kis ki aahat sunta hooñ veeraane men

zindagi par bhi koi zor nahin dil ne har cheez paraai dii hai

ye shukr hai ki mire paas teraa gham to raha vagarna zindagi bhar ko rula diya hota

tumhaare KHvaab se har shab lipt ke sote hain sazaayein bhej do ham ne khataayein bheji hain