bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

kuchh baat hai ki hasti mitati nahin hamaari sadiyon raha hai dushman daur e zamaan hamaara

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

dil hijr ke dard se bojhal hai ab aan milo to behtar ho is baat se ham ko kya matlab ye kaise ho ye kyunkar ho

be tere kya vehshat ham ko tujh bin kaisa sabr o sukoon tu hi apna shahar hai jaani tu hi apna sehra hai

aan ke is beemaar ko dekhe tujh ko bhi taufeeq hui lab par us ke naam tha teraa jab bhi dard shadeed hua

ek se ek junoon ka maara is bastii men rehta hai ek humeen hushiyaar the yaaro ek humeen bad-naam hue

jo motiyon kii talab ne kabhi udaas kiya to ham bhi raah se kankar samet laaye bahut