ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

maana ki teri deed ke qaabil nahin hooñ main tu miraa shauq dekh miraa intizaar dekh

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

KHud uski beti KHush nahin hai uski jeet par dushman ko intiqaam ka matlab nahin pata

samajh aa gaya hamko inkaar ke baad hai bas dard kaanton men phoolon men aañsu

hai ham par bhi gham ki salaakhon ki nemat jo lab pe sitam hain zabaanon men aañsu

vo hai meyaar ishq ka jaanaan log marte hain bas nibhaane ko

vo bhale laakh sitam dhaaye sahi lagta hai uspe saabit koi ilzaam nahin ho saka