teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

le de ke apne paas faqat ik nazar to hai kyun dekhen zindagi ko kisi ki nazar se ham

chal gaya hogaa pata ye aapko be-vafa kahte hain ladke aapko ik zaraa se husn par itni akad tu samjhti kya hai apne aapko

main apne li.e had se bura soch chuka hooñ tum jo bhi karoge mujhe vo kam hi lagega

apne chehre se jo zaahir hai chhupaayen kaise teri marzi ke mutaabiq nazar aayen kaise

ye sadma jeete jee dil se hamaare ja nahin saktaa unhen vo bhule baithe hain jo un par marne waale hain

tamaam umr isi ranj men tamaam hui kabhi ye tumne na poocha teri khushi kya hai

maut hi aapke beemaar kii qismat men na thii warna kab zahar ka mumkin tha davaa ho jaana

rok le ai zabt jo aañsu ki chashm-e-tar men hai kuchh nahin bigda abhii tak ghar kii daulat ghar men hai

kisi maashooq ka 'aashiq se KHafaa ho jaana rooh ka jism se goya hai juda ho jaana