tu is tarah se mire saath be-vafaaii kar ki tere baad mujhe koi be-vafa na lage

manzilen kya hain raasta kya hai hausla ho to fasla kya hai

ashaar mire yuñ to zamaane ke li.e hain kuchh she'r faqat un ko sunaane ke li.e hain ye ilm ka sauda ye risaale ye kitaaben ik shaKHs ki yaadon ko bhulaane ke li.e hain

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

main andheron se bacha laaya tha apne aap ko meraa dukh ye hai mire peeche ujaale pad ga.e

in ka uthna nahin hai hashr se kam ghar ki deewaar baap ka saaya

eed ke baa'd vo milne ke li.e aa.e hain eed ka chaand nazar aane laga eed ke baa'd

naya saal aaya hai khushiyaan manao naye aasmaanon se aañkhen milaao

naye saal men pichhli nafrat bhula den chalo apni duniya ko jannat banaa den

takra gaya vo mujh se kitaaben li.e hue phir meraa dil aur us kii kitaaben bikhar gaiin