raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle

suhaagan bhi bataa degi magar tum poochho vidhwa se ye mangalsutra zever ke alaava bhi bahut kuchh hai ye kya ik maqbare ko aakhri had maan baithe ho mohabbat sang-e-marmar ke alaava bhi bahut kuchh hai

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

tum poochho aur main na bataaun aise to haalaat nahin ek zaraa sa dil toota hai aur to koi baat nahin

tu jo har roz naye husn pe mar jaata hai tu bataaega mujhe ishq hai kya jaane de

kahiin ye tark-e-mohabbat kii ibtida to nahin vo mujh ko yaad kabhi is qadar nahin aa.e

koii shareek-e-gham nahin ab tiri yaad ke baghair koii anees-e-dil nahin ab tire naam ke siva

koii mauqa zindagi ka aakhiri mauqa nahin is qadar taajeel kyuuñ raf-e-qudrat ke li.e

dosti aam hai lekin ai dost dost milta hai badi mushkil se

mohabbat karne waale kam na honge tiri mehfil men lekin ham na honge