shaakhon se toot jaayen vo patte nahin hain ham aandhi se koi kah de ki auqaat men rahe

hamaare baad tere ishq men naye ladke badan to choomenge zulfen nahin sanvaarenge

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

mas'ala ye nahin ki ishq hua hai ham ko mas'ala ye hai ki izhaar kiya jaana hai

zindagi be-KHabar rahi mujh se aise ki zindagi basar maine apne andar tujhe basaaya aur dhoondha phir KHud ko dar-b-dar maine

watan ka dulaara gaya aasmaañ ko ki kitnon ka pyaara gaya aasmaañ ko zameen ne sitaare lutaaye falak pe zameen se sanwaara gaya aasmaañ ko

marne se pahle mar ga.e honge shab se pahle jo ghar ga.e honge

main KHud ko patthar dil kahtaa firta tha par main sheesha hooñ mujh ko ik patthar ne bataaya

ye mirii zindagi ye kuchh bhi nahin bojh hai mujh ko dho raha hooñ main