bhej deta hooñ magar pahle bataa doon tujh ko mujh se milta nahin koi mirii tasveer ke baad

raam hone men ya raavan men hai antar itnaa ek duniya ko khushi doosra gham deta hai ham ne raavan ko baras dar baras jalaya hai kaun hai vo jo ise phir se janam deta hai

mazaa to tab hai ki tum haar ke bhi hanste raho hamesha jeet hi jaana kamaal thodii hai

sabhi se raaz kah deta hooñ apnena jaane kya chhupaana chahta hooñ

waqt deta tha vo milne ka tabhi rakkhi thii dost ik daur tha maine bhi ghadi rakkhi thii

munhdim hota chala jaata hai dil saal-b-saal aisa lagta hai girah ab ke baras tootti hai

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain

ghar se nikle hue beton ka muqaddar maaloom maa ke qadmon men bhi jannat nahin milne waali

dua ko haath uthaate hue larzata hooñ kabhi dua nahin maangi thii maa ke hote hue

KHud ko bikharte dekhte hain kuchh kar nahin paate hain phir bhi log khudaaon jaisi baatein karte hain