ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

ham bhi muneer ab duniyaadaari kar ke vaqt guzaarenge hote hote jeene ke bhi laakh bahaane aa jaate hain

gham kii baarish ne bhi tere naqsh ko dhoya nahin tune mujh ko kho diya maine tujhe khoya nahin

ham bhi ghar se muneer tab nikle baat apnon kii jab sahi na gaii

vaqt kis tezi se guzra roz-marra men muneer aaj kal hota gaya aur din hawa hote ga.e