koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

haal meethe falon ka mat poochho raat din chaakooon men rahte hain

ye kehna tha un se mohabbat hai mujh ko ye kehne men mujh ko zamaane lage hain

mujh se daaman na chhuda mujh ko bacha kar rakh le mujh se ik roz tujhe pyaar bhi ho saktaa hai

waqt badlega to is baar main poochhoonga use tum badalte ho to kyun log badal jaate hain

apni aankhoñ men qamar jhaank ke kaise dekhooñ mujh se dekhe hue manzar nahin dekhe jaate

ek chehre se utarti hain naqaaben kitnii log kitne ha men ik shaKHs men mil jaate hain

lafz kitne hi tere pairo'n se lipate honge tune jab aakhiri khat meraa jalaya hogaa tune jab phool kitaabon se nikale honge dene vaala bhi tujhe yaad to aaya hogaa