koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

le de ke apne paas faqat ik nazar to hai kyun dekhen zindagi ko kisi ki nazar se ham

main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

sab parindon se pyaar loonga main ped ka roop dhaar loonga main tu nishaane pe aa bhi jaa.e agar kaun sa teer maar loonga main

bosa aankhoñ ka jo maanga to vo hañs kar bole dekh lo door se khaane ke ye baadaam nahin