pyaar ka rishta aisa rishta shabnam bhi chingaari bhi yaanii unse roz hi jhagda aur unhin se yaari bhi

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

use kisi se mohabbat thii aur vo main nahin tha ye baat mujhse zyaada use rulaati thii

kuchh baat hai ki hasti mitati nahin hamaari sadiyon raha hai dushman daur e zamaan hamaara

meri pahli nazar lautaa de mujh ko teri jaanib dobaara dekhna hai

kamra khola to aankh bhar aayi ye jo KHushboo hai jism thii pahle

adaakaari bahut dukh de rahi hai main sach-much muskurana chahta hooñ

jo mohabbat lutaaya karte the vo taraazu khareed laaye hain

jab talak quwwat-e-takhyul hai aap pahluu se uth nahin sakte