ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

yahaañ se jaane ki jal dii kisko hai tum batao ye sootkeson men kapde kisne rakhe hue hain kara to loonga ilaqa khaali main lad-jhagad kar magar jo usne dilon pe qabze ki.e hue hain

aapka kaam ho gaya sahab laash dariyaa men fenk dii maine

koii kahtaa nahin tha laut aao ki ham paise hi itne bhejte the tumhaara shukriya ai doobti naav ki ham bhi tairna bhule hue the

vaqt hi kam tha faisley ke li.e warna main aata mashware ke li.e tum ko achchhe lage to tum rakh lo phool tode the bechne ke li.e

jagah jagah na taalluq KHaraab kar meraa tere li.e to kisi se bhi lad padunga main