tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

din dhal gaya aur raat guzarne ki aas men suraj nadi men doob gaya ham gilaas men

vo zamaana guzar gaya kab ka tha jo deewaana mar gaya kab ka

bheegin palken dekh kar tu kyun ruka hai KHush hooñ main vo to meri aankh men kuchh aa gaya hai KHush hooñ main vo kisi ke saath KHush tha kitne dukkh ki baat thii ab mere pahluu men aa kar ro raha hai KHush hooñ main

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

jo ik KHuda nahin milta to itnaa maatam kyun yahaañ to koi mira ham-zabaan nahin milta

apna pata mile na khabar yaar kii mile dushman ko bhi na aisi saza pyaar kii mile un ko KHuda mile hai KHuda kii jinhen talash mujh ko bas ik jhalak mere dildaar kii mile

itnaa to zindagi men kisi ke khalal pade hansne se ho sukoon na rone se kal pade

ek zakham aisa na khaaya ki bahaar aa jaati daar tak le ke gaya shauq-e-shahaadat mujh ko

gar doobna hi apna muqaddar hai to suno doobenge ham zaroor magar nakhuda ke saath