chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

ham vo hain jo KHuda ko bhool ga.e tum meri jaan kis gumaan men ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

zakham aisa do mujhe ab ishq men ke neel hi pad jaa.e mere dil ke andar

aa.e sahi vo aa.e bhale der se yahaañ kitnii to der lagti hai ajmer se yahaañ

vo mere zehan ke kone men daba baitha tha us..ko phir bahar men daala to kahii she'r banaa

sunhare KHvaabon se jis makaan ko sajaaya tha hamne mil ke barson hamaare KHvaabon ke us makaan ko laga dii hai aag KHud hi usne

vo utarta hai meri aankhoñ men jis tarah chaand jheel men utre