teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

jaise tumne waqt ko haath men roka ho sach to ye hai tum aankhoñ ka dhokha ho

KHuda ki itni badi kaayenaat men main ne bas ek shaKHs ko maanga mujhe vahii na mila

main ne muddat se koi KHvaab nahin dekha hai haath rakh de meri aankhoñ pe ki neend aa jaa.e

maine jaisi chaahi thii na waisi in men khankhan nain jitne pyaare haath hain tere utne pyaare kangan nain

kahiiñ abeer kii khushboo kahiiñ gulaal ka rang kahiiñ pe sharm se simte hue jamaal ka rang chale bhi aao bhula kar sabhi gile-shikwe barsna chahiye holi ke din visaal ka rang

phir is ke baad manaaya na jashn khushboo ka lahu men doobi thii fasl-e-bahaar kya karte

hai ab bhi bistar-e-jaan par tire badan ki shikan main KHud hi mitne laga hooñ use mitaate hue

na jaane khatm hui kab hamaari aazaa dii taalluqaat ki paabandiyaan nibhaate hue

gumaan hai ya kisi vishwas men hai s abhii achchhe dinon ki aas men hai ye kaisa jashn hai ghar waapsi ka abhii to raam hi vanvaas men hai