koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

ai zabt dekh ishq kii un ko khabar na ho dil men hazaar dard uthe aankh tar na ho

abhii aa.e abhii jaate ho jal dii kya hai dam le lona chhedoonga main jaisi chahe tum mujh se qasam le lo

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

shab-e-visaal bahut kam hai aasmaañ se kaho ki jod de koi tukda shab-e-judaai ka

vasl ho jaa.e yahiin hashr men kya rakha hai aaj ki baat ko kyun kal pe utha rakha hai