koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

kuchh baat hai ki hasti mitati nahin hamaari sadiyon raha hai dushman daur e zamaan hamaara

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

use kisi se mohabbat thii aur vo main nahin tha ye baat mujhse zyaada use rulaati thii

ai dekhne waalo mujhe hañs hañs ke na dekho tum ko bhi mohabbat kahiin mujh sa na banaa de

mujhe to hosh na tha un ki bazm men lekin khamoshiyon ne meri un se kuchh kalaam kiya

ai jazba-e-dil gar main chaahoon har cheez muqaabil aa jaa.e manzil ke li.e do gaam chaloon aur saamne manzil aa jaa.e

zinda hooñ is tarah ki gham-e-zindagi nahin jalta hua diya hooñ magar raushni nahin

ai dil ki khalish chal yoonhi sahi chaltaa to hooñ un ki mehfil meinus vaqt mujhe chauka dena jab rang pe mehfil aa jaa.e