ham bhi dariyaa hain ha men apna hunar maaloom hai jis taraf bhi chal padenge raasta ho jaayega

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

maana ki teri deed ke qaabil nahin hooñ main tu miraa shauq dekh miraa intizaar dekh

jo dil dukha hai to ye azm bhi mila hai ha men tamaam umr kisi ka na dil dukhaaenge ham

tujh se kis tarah main izhaar-e-tamannaa karta lafz soojha to maani ne baghaavat kar dii

gali ke mod pe bachchon ke ek jamghat men kisi ne dard-bhare lay men maahiya gaaya mujhe kisi se mohabbat nahin magar ai dil ye kya hua ki tu be-ikhtiyaar bhar aaya

KHuda kare ki tiri umr men gine jaayen vo din jo ham ne tire hijr men guzaare the

main to us waqt se dartaa hooñ ki vo pooch na le ye agar zabt ka aañsu hai to tapka kaise