use kisi se mohabbat thii aur vo main nahin tha ye baat mujhse zyaada use rulaati thii

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

muddaton baad ik shaKHs se milne ke li.e aaina dekha gaya baal sanwaare ga.e

gulaab KHvaab davaa zahar jaam kya kya hai main aa gaya hooñ bataa intizaam kya kya hai

ye jism tang hai seene men bhi lahu kam hai dil ab vo phool hai jis men ki rang-o-boo kam hai

tamaam hosh zabt ilm maslahat ke baad bhi phir ik KHataa main kar gaya tha maazrat ke baad bhi

main tujhse milne samay se pahle pahunch gaya tha so tere ghar ke qareeb aakar bhatk raha hooñ

main apni maut se khilwat men milnaa chahta hooñ so meri naav men bas main hooñ nakhuda nahin hai

shahr-e-jaan men vabaao'n ka ik daur tha main ada-e-tanaffus men kamzor tha