main agar apni jawaani ke suna doon qisse ye jo launde hain mere paanv dabane lag jaa.e

main chahta hooñ mohabbat meraa vo haal kare ki KHvaab men bhi dobara kabhi majaal na ho

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

nahin lagega use dekh kar magar KHush hai main KHush nahin hooñ magar dekh kar lagega nahin

uth gaii hain saamne se kaisi kaisi sooraten roiyie kis ke li.e kis kis ka maatam keejie

na pooch haal mira chob-e-khushk-e-sehra hooñ laga ke aag mujhe kaarwaan ravana hua

be-ginati bose lenge rukh-e-dil-pasand ke aashiq tire parhe nahin ilm-e-hisaab ko

kuchh nazar aata nahin us ke tasavvur ke siva hasrat-e-deedaar ne aankhoñ ko andha kar diya