tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

log aurat ko faqat jism samajh lete hain ruh bhi hoti hai us men ye kahaan sochte hain

ishq agar badhta hai to phir jhagde bhi to badhte hain aamdani jab badhti hai to kharche bhi to badhte hain maana manzil nahin mili hai hamko lekin khandhar ek qadam uski jaanib ham aage bhi to badhte hain

vo jo KHvaab the mere zehan men na main kah sakaa na main likh sakaa ki zabaan mili to kati hui jo qalam mila to bika hua

gale mili kabhi urdu jahaan pe hin dii se mire mizaaj men us anjuman ki KHushboo hai

ai zabt dekh ishq kii un ko khabar na ho dil men hazaar dard uthe aankh tar na ho

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

vasl ho jaa.e yahiin hashr men kya rakha hai aaj ki baat ko kyun kal pe utha rakha hai

aañkhen dikhlaate ho joban to dikhaao sahab vo alag baandh ke rakha hai jo maal achha hai

baaki na dil men koi bhi ya rab havas rahe chaudah baras ke sin men vo laakhon baras rahe