dukh apna agar ham ko bataana nahin aata tum ko bhi to andaaza lagana nahin aata

ye soch ke maa baap ki khidmat men laga hooñ is ped ka saaya mire bacchon ko milega

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

din dhal gaya aur raat guzarne ki aas men suraj nadi men doob gaya ham gilaas men

aisi sar dii hai ki suraj bhi duhaai maange jo ho pardes men vo kissse razaai maange

jahaan men hone ko ai dost yuuñ to sab hogaa tere labon pe mere lab hon aisa kab hogaa

hai aaj ye gilaa ki akela hai shehryaar tarsoge kal hujoom men tanhaaii ke li.e

tamaam umr ka hisaab maangti hai zindagi ye meraa dil kahe to kya ki khud se sharmasaar hai

ajeeb saanehaa mujh par guzar gaya yaaro main apne saa.e se kal raat dar gaya yaaro

na khush-gumaan ho is par tu ai dil-e-saada sabhi ko dekh ke vo shaKHs muskurata hai