hamesha ik doosre ke haq men dua karenge ye tay hua tha milen ya bichhade magar tumheen se vafaa karenge ye tay hua tha

mazaa to tab hai ki tum haar ke bhi hanste raho hamesha jeet hi jaana kamaal thodii hai

hijr men tumne keval baal bigaade hain hamne jaane kitne saal bigaade hain

kya galat-fahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin

manzilon ka kaun jaane rahguzar achchhii nahin uski aañkhen khoobsurat hai nazar achchhii nahin

main chhup raha hooñ ki jaane kis dam utaar dale libaas mujh ko

tamaam shahar ko tareekiyo se shikwa hai magar charaaghh ki bai'at se khauf aata hai

nabeel is ishq men tum jeet bhi jaao to kya hogaa ye aisi jeet hai pahluu men jis ke haar chalti hai

nabeel aisa karo tum bhi bhool jaao use vo shaKHs apni har ik baat se mukar chuka hai

vo ek raaz jo muddat se raaz tha hi nahinus ek raaz se parda utha diya gaya hai