ham ik hi lau men jalate rahe ghazal apni nayi hawa se bachaate rahe ghazal apni darasl us..ko faqat chaai khatm karne thii ham uske cup ko sunaate rahe ghazal apni

usse kaho ik baar meraa naam pukaare uske bina saanson ka ragam toot raha hai

patthar pahle KHud ko patthar karta hai uske baad hi kuchh kaarigar karta hai

eed KHushiyon ka din sahi lekin ik udaasi bhi saath laati hai zakham ubharte hain jaane kab kab ke jaane kis kis ki yaad aati hai

tu uske dil men jagah chahta hai yaar jo shaKHs kisi ko deta nahin apne saath waali jagah

apna pata mile na khabar yaar kii mile dushman ko bhi na aisi saza pyaar kii mile un ko KHuda mile hai KHuda kii jinhen talash mujh ko bas ik jhalak mere dildaar kii mile

itnaa to zindagi men kisi ke khalal pade hansne se ho sukoon na rone se kal pade

gar doobna hi apna muqaddar hai to suno doobenge ham zaroor magar nakhuda ke saath

bahaar aa.e to meraa salaam kah dena mujhe to aaj talab kar liya hai sehra ne

jo ik KHuda nahin milta to itnaa maatam kyun yahaañ to koi mira ham-zabaan nahin milta