chaan dii sona ek taraf teraa hona ek taraf ek taraf teri aañkhen jaadu toona ek taraf

gale milnaa na milnaa to teri marzi hai lekin tere chehre se lagta hai teraa dil kar raha hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

ham vo hain jo KHuda ko bhool ga.e tum meri jaan kis gumaan men ho

sab kahaan kuchh laala-o-gul men numayaan ho gaiin KHaak men kya sooraten hongi ki pinhaan ho gaiin

kii mere qatl ke baad us ne jafa se tauba haaye us zood-pasheemaan ka pasheemaan hona

dikha ke jumbish-e-lab hi tamaam kar ham kona de jo bosa to munh se kahii javaab to de

ya rab vo na samjhe hain na samjhenge mirii baat de aur dil unko jo na de mujh...ko zabaan aur

aaina kyun na doon ki tamasha kahein jise aisa kahaan se laaun ki tujh sa kahein jise