kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

tumhaare baad ye dukh bhi to sahna pad raha hai kisi ke saath majboori men rahna pad raha hai

shaayad mujhe kisi se mohabbat nahin hui lekin yaqeen sab ko dilaata raha hooñ main

khoob hai ishq ka ye pehlu bhi main bhi barbad ho gaya tu bhi

ab jo rishton men bandha hooñ to khula hai mujh par kab parind ud nahin paate hain paron ke hote

jama ham ne kiya hai gham dil men is ka ab sood khaaye jaayenge

ik mahak simt e dil se aayi thii main ye samjha teri sawaari hai

apne andar hansta hooñ main aur bahut sharmaata hooñ KHoon bhi thooka sach-much thooka aur ye sab chaalaaki thii