baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

suhaagan bhi bataa degi magar tum poochho vidhwa se ye mangalsutra zever ke alaava bhi bahut kuchh hai ye kya ik maqbare ko aakhri had maan baithe ho mohabbat sang-e-marmar ke alaava bhi bahut kuchh hai

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

vo mujh ko chhod ke jis aadmi ke paas gaya baraabari ka bhi hota to sabr aa jaata

zeest men jab bhi kabhi ghabra gaya aapki maujoodgi mehsoos ki

sataati bahut hai badan ki udaasi yahaañ kaun rota hai apni khushi se

jalta raha charaaghh biyaabaan men jahaan ham bhi chale gaye vahaañ par bebaasi ke saath

paas rakh sambhaal kar mere adoo is teer ko rakh liya hai baandh kar maine badan se peer ko

kisi ne chhua tha mujhe khaab men kal usii ik chhuan se pighalne lage hai