muddaton baad ik shaKHs se milne ke li.e aaina dekha gaya baal sanwaare ga.e

use kisi se mohabbat thii aur vo main nahin tha ye baat mujhse zyaada use rulaati thii

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

muddatein guzar gayi hisaab nahin kiyana jaane ab kiske kitne rah ga.e ham

gulaab KHvaab davaa zahar jaam kya kya hai main aa gaya hooñ bataa intizaam kya kya hai

pichhla baras to KHoon rula kar guzar gaya kya gul khilaayega ye naya saal dosto