kitna mahfooz hooñ main kone men koi archan nahin hai rone men maine us..ko bacha liya varna doob jaata mujhe dubone men

main saansen tak luta saktaa hooñ uske ek ishaare par magar vo mere har vaade ko sarkaari samajhta hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhaari aankhoñ ki tauheen hai zara socho tumhaara chaahne vaala sharaab peeta hai

gulaab KHvaab davaa zahar jaam kya kya hai main aa gaya hooñ bataa intizaam kya kya hai

kaii jawaabon se achchhii hai KHaamushi merina jaane kitne sawaalon kii aabroo rakhe

takra gaya vo mujh se kitaaben li.e hue phir meraa dil aur us kii kitaaben bikhar gaiin

lagta hai kaii raaton ka jaaga tha musavvir tasveer kii aankhoñ se thakan jhaank rahi hai

duniya men vahii shaKHs hai tazeem ke qaabil jis shaKHs ne haalaat ka rukh mod diya ho

eed ke baa'd vo milne ke li.e aa.e hain eed ka chaand nazar aane laga eed ke baa'd