Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham to kuchh der hañs bhi lete hain dil hamesha udaas rehta hai

haal meethe falon ka mat poochho raat din chaakooon men rahte hain

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

kamra khola to aankh bhar aayi ye jo KHushboo hai jism thii pahle

shah-savaaron ne raushni maangi main ne baisaakhiyaan jala daaliin

meri pahli nazar lautaa de mujh ko teri jaanib dobaara dekhna hai

adaakaari bahut dukh de rahi hai main sach-much muskurana chahta hooñ

badan ka zikr baatil hai to aao bina sar pair ki baatein karenge