koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

dekho ham koi wahshi nahin deewane hain tumse button khulwane nahin lagwane hain

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

mujh...ko samajh na paai mirii zindagi kabhi aasaaniyaan mujhi se theen mushkil bhi main hi tha

ab andheron men jo ham khauf-zada baithe hain kya kahein KHud hi charaaghon ko bujha baithe hain

ragon men zehar-e-khamooshi utarne se zaraa pahle bahut tadpi koii awaaz marne se zaraa pahle

khushiyaan dete dete akshar KHud gham men mar jaate hain resham bunne waale keede resham men mar jaate hain