dekho ham koi wahshi nahin deewane hain tumse button khulwane nahin lagwane hain

us ladki se bas ab itnaa rishta hai mil jaa.e to baat wagaira karti hai baarish mere rab ki aisi nemat hai rone men aasaani paida karti hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

koii veeraani sii veeraani hai dasht ko dekh ke ghar yaad aaya

sab kahaan kuchh laala-o-gul men numayaan ho gaiin KHaak men kya sooraten hongi ki pinhaan ho gaiin

gham agarche jaan-gusil hai pa kahaan bachenge ki dil hai gham-e-ishq gar na hota gham-e-rozgaar hota

na sataish kii tamannaa na sile kii parwa gar nahin hain mire ashaar men ma'ni na sahi

bijli ik kaundh gayi aankhoñ ke aage to kya baat karte ki main lab tashn-e-taqreer bhi tha