paron ko khol zamaana udaan dekhta hai zameen pe baith ke kya aasmaan dekhta hai

use kisi se mohabbat thii aur vo main nahin tha ye baat mujhse zyaada use rulaati thii

gulaab KHvaab davaa zahar jaam kya kya hai main aa gaya hooñ bataa intizaam kya kya hai

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

is nadi kii jawaani girvi hai kya bahegi ravaani girvi hai doobi hai boond-boond karze men baandh men saara paani girvi hai

search karna hai mujhe be-kaar internet par dhadkano men apni meraa naam kar google kabhi

zindagi ik film hai milnaa bichadna seen hain aankh ke aañsu tire kirdaar ki tauheen hain

mujh se do din alag rahi hai tu dekh to kaisi lag rahi hai tu ho gaya raakh jal ke main lekin dheere-dheere sulag rahi hai tu