agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

aaj ik aur baras beet gaya us ke baghair jis ke hote hue hote the zamaane mere

baat hi kab kisi ki maani hai apni hath poori kar ke chhodogi ye kalaaee ye jism aur ye kamar tum suraahi zaroor toḍogi

KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

parind unchi uraano ki dhun men rehta hai magar zameen ki hadon men basar bhi karta hai

parind shaakh pe tanhaa udaas baitha hai udaan bhool gaya muddaton ki bandish men