tujhe kaise ilm na ho sakaa badi door tak ye khabar gaii tire shahar hi ki ye shaayera tire intizaar men mar gaii

dil-e-naadaañ tujhe hua kya hai aaKHir is dard ki davaa kya hai

meri duniya men koi cheez thikaane pe nahin bas tujhe dekh ke lagta hai ki sab achha hai

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

chaand ne odh li hai chadar-e-abr ab vo kapde badal rahi hogii

badh ke toofaan ko aaghosh men le le apni doobne waale tire haath se saahil to gaya

dil abhii poori tarah toota nahin doston ki meherbaani chahiye

phir aaj adam shaam se gamgeen hai tabeeyat phir aaj sar-e-shaam main kuchh soch raha hooñ

kahte hain umr-e-rafta kabhi lauTtii nahin ja may-kade se meri jawaani utha ke la

had se badh kar haseen lagte ho jhooti qasmen zaroor khaaya karo