koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

ye kehna tha un se mohabbat hai mujh ko ye kehne men mujh ko zamaane lage hain

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

tumhaare paanv qasam se bahut hi pyaare hain KHuda kare mere bacchon ki in men jannat ho

chehre hain ki sau rang men hote hain numayaan aaiine magar koii siyaasat nahin karte