ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

muddaton baad ik shaKHs se milne ke li.e aaina dekha gaya baal sanwaare ga.e

daulat shuhrat biwi bacche achha ghar aur achchhe dost kuchh to hai jo in ke baad bhi haasil karna baaki hai kabhi-kabhi to dil karta hai chalti rail se kood padhoon phir kahtaa hoon...paagal ab to thoda rastaa baaki hai

KHud ko itnaa bhi mat bachaaya kar baarishen hon to bheeg jaaya kar kaam le kuchh haseen hothon se baaton baaton men muskuraya kar

bhej deta hooñ magar pahle bataa doon tujh ko mujh se milta nahin koi mirii tasveer ke baad

main chhup raha hooñ ki jaane kis dam utaar dale libaas mujh ko

nabeel aisa karo tum bhi bhool jaao use vo shaKHs apni har ik baat se mukar chuka hai

tamaam shahar ko tareekiyo se shikwa hai magar charaaghh ki bai'at se khauf aata hai

musafiron se kaho apni pyaas baandh rakhen safar ki rooh men sehra koi utar chuka hai

nabeel is ishq men tum jeet bhi jaao to kya hogaa ye aisi jeet hai pahluu men jis ke haar chalti hai