ham bhi dariyaa hain ha men apna hunar maaloom hai jis taraf bhi chal padenge raasta ho jaayega

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

ye mohabbat hai ye mar jaane se bhi jaati nahin tu koi qaidee nahin hai jo rihaa ho jayega

zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

ai zabt dekh ishq kii un ko khabar na ho dil men hazaar dard uthe aankh tar na ho

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

aañkhen dikhlaate ho joban to dikhaao sahab vo alag baandh ke rakha hai jo maal achha hai

bosa liya jo us lab-e-sheereen ka mar ga.e dii jaan ham ne chashma-e-aab-e-hayaat par

abhii aa.e abhii jaate ho jal dii kya hai dam le lona chhedoonga main jaisi chahe tum mujh se qasam le lo