tum poochho aur main na bataaun aise to haalaat nahin ek zaraa sa dil toota hai aur to koi baat nahin

ab dost koi laao mukaabil men hamaare dushman to koi kad ke barabar nahin niklaa

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi paagal hi mohabbat se nawaazega mujhe aap to KHair samajhdaar nazar aate hain

nazar men rakhna kahii koi gham shanaas gaahak mujhe sukhun bechna hai kharcha nikaalna hai

pata tha us se bichhadte hi dost gherenge vahii hua mujhe ranj-o-alam ne gher liya

main kis se poochoon ye rastaa durust hai ki galat jahaan se koi guzarta nahin vahaañ hooñ main

tu uske dil men jagah chahta hai yaar jo shaKHs kisi ko deta nahin apne saath waali jagah

kitaab-e-ishq men har aah ek aayat hai par aañsuon ko huroof-e-muqattia'at samajh