ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

uthao camera tasveer kheench lo inki udaas log kahaan roz muskurate hain

roshni badhne lagii hai shahar ki chaand chat par aa gaya hai dekhiye

ye sochte rahna mujhe paagal hi na kar de ye sochte rahna ki main paagal to nahin hooñ

suna hai log use aankh bhar ke dekhte hain so us ke shahar men kuchh din thehar ke dekhte hain

mohabbat ab nahin hogii ye kuchh din baad men hogii guzar jaayenge jab ye din ye un kii yaad men hogii

gham kii baarish ne bhi tere naqsh ko dhoya nahin tune mujh ko kho diya maine tujhe khoya nahin

makaan hai qabr jise log KHud banaate hain main apne ghar men hooñ ya main kisi mazaar men hooñ

ye kaisa nashsha hai main kis ajab khumaar men hooñ tu aa ke ja bhi chuka hai main intizaar men hooñ

main us ko dekh ke chup tha usii ki shaa dii men mazaa to saara isee rasm ke nibaah men tha