shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

yuñ jo takta hai aasmaan ko tu koi rehta hai aasmaan men kya

koi itnaa pyaara kaise ho saka hai phir saare ka saara kaise ho saka hai tujhse jab milkar bhi udaasi kam nahin hoti tere baghair guzaara kaise ho saka hai

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii

jaane kis haal men ham hain ki ha men dekh ke log ek pal ke li.e rukte hain guzar jaate hain

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

faraaz tark-e-taalluq to KHair kya hogaa yahii bahut hai ki kam kam mila karo us se

aankh se door na ho dil se utar jaayega vaqt ka kya hai guzarta hai guzar jaayega